Nuk ka ndonjë gjë më të keqe se të jesh në një fluturim të gjatë dhe të mësosh se skuadra jote e preferuar e esports ka humbur, falë atij personit hiperaktiv në media sociale që nuk mban dot një gjë për vete. Duket se Riot Games do të ndihmojë me këtë situatë, përmes një bashkëpunimi me Panasonic Avionics, që do ju mundësojë të shikoni League of Legends gjatë fluturimeve.
Lajmi erdhi me një kleçkë të vogël. Avioni do të ketë të drejtë të tregojë vetëm ndeshjet e League of Legends Championship Series (LCS) dhe Academy matches, ndaj nëse jeni fans i LCK ose LPL, kjo nuk është dita juaj me fat.
David Bartlett, shefi i teknologjisë në Panasonic Avionics thotë: “Esports sjell vlera të mëdha një një linjë ajrore, duke e nxitur pasagjerin të shijojë një eksperiencë, që ka ardhur nga një prej audiencave me rritjen më të madhe në treg.”
“Në mënyrë të ngjashme me sportin tradicional, esports vlerën më të madhe e ka kur transmetohet live. Për linjat ajrore, këto zgjidhje inovative ofrojnë një mënyrë fantastike për të veçuar veten nga konkurentët e tjerë.”
Linjat ajrore që do të përfitojnë nga kjo marrveshje ende nuk janë njogtuar, por lajmi i mrië është se lojtarët do të mund të shohin lojëra në një format live. Herës tjetër që do të jeni në avion, nuk do të keni pse të shikoni episodin e Friends që kushedi sa herë mund ta keni parë deri tani, por do të mund të keni kënaqësinë e të përjetuarit një event live, pavarësisht rrethanave.
Plus me Immortals, Dignitas dhe Evil Geniuses që do të vijnë në ligë sezonin e ardhshëm, ndeshjet padyshim që do ju argëtojnë gjatë fluturimit.