Rowdy One do të përballet me kundërshtarët në videolojëra tani
Rowdy One do të përballet me kundërshtarët në videolojëra tani
Luftëtarja e arteve marciale të përziera (MMA) dhe ish-kampione e Ultimate Fighting Championship (UFC) Ronda Rousey do të fillojë karrierën e saj streaming ekskluzivisht në Facebook Gaming, njoftoi ajo.
Rousey pati një karrierë jashtëzakonisht të suksesshme në luftime. Ajo fitoi një medalje bronzi në Judo për SHBA në Lojërat Olimpike të Kinës në 2008 dhe më vonë u transferua në MMA, ku ishte kampionia femër UFC për bantamweight për gati tre vjet, pasi mbrojti me sukses rripin e saj gjashtë herë.
Ajo është larguar nga oktagoni i MMA që nga humbja e dytë në UFC në Dhjetor 2016 dhe ka marrë pjesë në filma dhe duke bërë paraqitje në WWE. “Streaming i lojërave është një nga mediumet më autentike, dhe koha është e duhur për mua që të hidhem në stream ekskluzivisht në Facebook Gaming”, tha Rousey në Twitter.
Game streaming is one of the most authentic mediums,& the time is right for me to jump into the stream exclusively on FacebookGaming. My first stream is on Feb18th at 3pmPST–100% of proceeds from the first stream go to Australian bushfire recovery effortshttps://t.co/O9QlM8KkaK pic.twitter.com/pAHMWvhEkU
— Ronda Rousey (@RondaRousey) February 13, 2020
Stream-i inaugurues i Rousey do të zhvillohet javën e ardhshme, të mërkurën në 18 Shkurt në 01:00, me orën shqiptare. Ajo do t’i dhurojë të gjitha fitimet nga stream-i i saj i parë në përpjekjet australiane për rimëkëmbjen pas zjarrit të tmerrshëm.
“Lojërat kanë qenë gjithmonë një pjesë e madhe e jetës sime, dhe unë mezi pres që ta ndaj atë pasion me miliona tifozët e mi në Facebook Gaming,” tha Rousey. “Nëpërmjet stream-eve të mia, njerëzit mund të lidhen me Rondan reale, jo me versionin “karakter” të vetes që ata ishin mësuar ta shohin, megjithëse bisha që është “Rowdy One”, nuk mund të përmbahet gjithmonë.”
Rousey tha që ajo do të fillojë stream-in e saj duke luajtur Pokémon Sword and Shield. Ajo përmendi gjithashtu se një nga kujtimet e saj të preferuara të lojrave ishte me Pokémon Blue kur u ndesh me Articuno legjendar.
Facebook Gaming u lançua në Janar 2018 dhe ka në rankët e tyre disa lojtarë të shquar të SHBA-së gjatë muajve të fundit, duke përfshirë Jeremy “Disguised Toast” Wang, Corinna Kopf dhe Gonzalo “ZeRo” Barrios.