Shroud mendon se bots në fakt do ta përmirësojnë PUBG

Sipas tij, ky është një ndryshim pozitiv

Përpara bumit të Fortnite, Apex Legends dhe Warzone, zhanri battle royale dominohej nga lojëra si H1Z1 dhe PUBG. Shumë lojtarë iu drejtuan këtyre lojërave, me shumicën që ngeli tek PUBG për një kohë shumë të gjatë. Tashmë që ka kaluar pak kohë, lojërat e këtij zhanri janë përmirësuar shumë ndërkohë që PUBG ka mbetur mbrapa. Kjo e ka detyruar PUBG Corp që të jenë më kreativë në vazhdim. Një prej ideve të reja që është sjellë është ardhja e bots në lojë, e cila edhe pse i ka mërzitur disa fansa, sipas shroud do të jetë diçka pozitive.

Streamer-i thotë se bots do të ulin kohën e pritjes përpara ndeshjes dhe gjithashtu do të ndihmojnë në qarkullimin e loot, duke i përmirësuar loadouts të lojtarëve. Ndërkohë që streamers si Just9n dhe të tjerë thonë se lojtarët do të kalojnë shumë kohë duke vrarë bots, ish-lojtari profesionist i CS:GO shtoi se ata nuk duhet të kopjojnë PUBG Mobile dhe çdo lojë duhet të ketë vetëm pak bots.

Padyshim që bots përdoren në lojëra të tjera battle royale për të populluar ndeshjet, me Fortnite që në fakt ka patur deri diku sukses me këtë strategji. Prandaj, kjo lëvizje nuk do të ishte e çuditshme për PUBG. Pritet të shohim nëse ata do të shtojnë vetëm pak bots çdo lojë ose do të ndjekin një rrugë të ngjashme me PUBG Mobile duke vendosur pak lojtarë përballë shumë bots.