Pro i Fortnite, Clix, bëhet ban nga Twitch

Clix është bërë ban nga Twitch për një javë pasi bëri stream me Zayn.

Lojtari pro i Fortnite, Cody ‘Clix’ Conrod është bërë ban nga Twitch pasi luajti me ‘Zayn’ në një nga streamet e tij. Clix është një nga lojtarët pro më të rinj në Fortnite dhe stream-et e tij tërheqin me mijëra shikues çdo ditë. Gjithsesi, atij do i duhet të shkëputet pak nga streaming, pasi Twitch i ka bërë ban.

Clix mori një ban shtatë-ditor nga platforma në datë 11 nëntor, pasi luajti me Zayn, që është bërë përgjithmonë ban nga Twitch. Rregullat e platformës thonë se një streamer nuk mund të luajë me dikë që është bërë ban.

Clix komentoi publikisht mbi këtë ban, duke thënë: “Mora një ban 7 ditë sepse kisha Zayn në streamin tim. Ai ishte muted, i kisha ndryshuar dhe nofkën. Kjo është patetike.”

E gjithë situata vjen pasi ‘Khanada‘ luajti me Zayn në 8 nëntor dhe u bë ban vetëm për tre ditë. Kjo bëri që Tfue dhe miqtë e tij të mos bënin dot stream ndeshjet e Fortnite Championship Series gjatë fundjavës.

Kjo situatë e ka bërë Clix të mendojë se ban-i i tij një javor nuk është i drejtë. “Si mund Khanada të marrë një ban tre ditor dhe unë shtatë?” Tha ai.

Ban-i që Twitch i bëri Zayn ishte diçka e madhe në botën e streaming. Lojtari i Fortnite u hoq nga platforma në 29 tetor pasi mori ban-in e tretë. Twitch ka si rregull që të bën ban përgjithmonë pasi ke kryer tre shkelje, sado të rënda që mund të jenë këto.

Clix do të qëndrojë larg Twitch deri në 18 nëntor. Ai nuk do të mund të transmetojë ndeshjet e Solo Cash Cup për Week 3.