Politikania koreane akuzohet për boost në League of Legends

Këto janë vërtet akuza të rënda

League of Legends është shumë i rëndësishëm në Korenë e Jugut. Lojtari më i madh ndonjëherë i lojës, Faker, konsideroht personazh VIP, ndërkohë që gaming kompetitiv është një prej formave më të mëdha të argëtimit në vend.

Loja shihet si aq e rëndësishme në vend sa madje po përdoret si armë politike. Bazuar në një tweet nga gazetarja koreane e esports Ashley Kang, një anëtare e Partisë së Drejtësisë së Koresë së Jugut, Ryu Ho-jeong, po shënjestrohet nga politikanët kundërshtarë pasi u zbulua se account-i i saj në League of Legends ishte bërë boost para 6 vitesh.

Tweet-i i Kang ka një link të një postimi në Facebook, ku një anëtar i Partisë Demokratike, i cila vetë është gamer dhe ish lojtar profesionist i StarCraft, flet për një postim të Ryu në 2014, ku ajo pranon se llogaria e saj u bë boost nga Gold 5 në Diamond 1. Ai akuzon Ryu se është një kandidate së cilës nuk mund t’i besohet, duke krahasuar boost-in në LoL me kapjen duke kopjuar në provim.

Ryu ishte gjithashtu presidente e klubit të esports në Ewha Women’s University.

Ndërkohë që politikanët vazhdojnë të kërkojnë fakte për të dëmtuar reputacionin e kundërshtarëve, fakti që boost-i në League of Legends po përdoret për të treguar mosbesimin ndaj një politikaneje tregon shumë për standartin në të cilin mbahet loja në shoqërinë koreane.

Ndërkohë që fansat e League of Legends do e kuptojnë acarimin e kundërshtarëve të Ryu, me cheaters dhe boosters që janë shumë acarues, është çmenduri që kjo gjë po përdoret në politikë.