Pokimane zbulon pse ishte e vështirë të bënte një kontratë me Twitch

Vetëm pak muaj pasi ri-firmosi kontratën me Twitch si një streamere ekskluzive e platformës, Imane ‘Pokimane’ Anys ka zbuluar se pse ishte një nga vendimet më të vështira që i është dashur të bëjë ndonjëherë.

Ishte marrëveshja e Ninja me Mixer ajo që qartazi filloi garën mes platformave të streaming, me marrëveshje që raportohet të vlenin me miliona dollarë. Kështu pak më vonë Pokimane u bë një nga emrat që vendosi të qëndrojë me Twitch.

Sado që shumë veta mund të mendojnë se ky ishte një vendim i thjeshtë nga ana e saj, pra të qëndruarit në platformën e vetme ku ka transmetuar gjatë gjithë jetës së saj, Anys sugjeron se nuk ka qenë kaq e thjeshtë sa shumica mendonin.

Pasi tha se ta ndante mendjen për të qëndruar në Twitch ishte një zgjedhje e vështirë, Pokimane tha: “Këto marrëveshjet mes platformave janë një çmenduri e vërtetë. Janë idiote dhe realisht bëhet fjalë për një sasi parash që të ndryshon jetën.”

Ajo më pas tha se i kishte thënë Twitch që: “nëse ju djema nuk më ofroni agjë, në një farë mënyre po më detyroni të marr një vendim.”

Pokimane shtoi se fatmirësisht i ofruan një marrëveshje të mirë dhe në fund të ditës ajo ishte platforma ku ajo donte të qëndronte gjithsesi.

Më vonë gjatë diskutimit, Pokimane përmendi se si do të ishte interesante të shikonim se si do të vazhdonte gjendja pasi kontratat e emrave si Ninja ose shroud të mbaronin dhe nëse ata do të riktheheshin në Twitch apo nëse do të vazhdonin me platformën rivale.

Sigurisht që me kalimin e kohës është e mundur që të ndryshojë dominanca mes Twitch dhe disa nga platformave rivale, ndaj nëse dhe vendi ku do të bëjë stream Pokimane ose emra të tjerë pas 10 vitesh është i pamundur për tu hamendësuar tani.