Pokimane kryeson statistikat si streamer-ja më popullore në Twitch

Pokimane ka sunduar si mbretëresha e Twitch prej kohësh tashmë, por lajme të reja të nxjerra nga Stream Charts kanë treguar se sa i madh është realisht popullariteti i saj.

Pokimane, emri i vërtetë i të cilës është Imane Anys, ka mbi 6.2 milionë ndjekës në platformë dhe rritja e saj nuk duket se do të ngadalësohet. Së fundmi ajo bashkëpunoi me Streamlabs që të vinte një maksimum donation-i prej $5 në kanalin e saj. Lëvizje kjo realisht e admirueshme.

Duke parë dhe statistikat e fundit të Stream Charts është e qartë se Pokimane është streamer-ja më popullore nga të gjitha, pa asnjë ekzagjerim kjo. Për muajin e tetorit ajo kishte grumbulluar 3,525,502 orë të para, gati dyfishi i orëve që kishte streamer-ja e dytë: itsHafu.

Në orët e transmetuara pastaj ajo ishte në vend të pestë me 137.1 orë. E para për më shumë orë ishte Amouranth, që kishte bërë stream 264.9 orë përgjatë muajit.

Duke marrë parasysh që Pokimane bëri stream vetëm për gjysmën e kohës dhe prapë ja doli të grumbullojë 3.5 milionë shikime, kjo është e gjithë prova që na duhet. Pokimane është e para në Twitch përsa i përket streamer-eve femra.