Kjo taktikë e mençur e Pokimane në Among Us ekspozon PewDiePie si imposter

Pokimane përdori një taktikë të zgjuar në Among Us që menjëherë e ekspozoi PewDiePie si një nga imposters në lojë, duke i mësuar paralelisht audiencës së saj një mënyrë mjaft të thjeshtë për të kuptuar nëse dikush po përpiqet të fshehë identitetin e tyre të vërtetë ose jo.

Disa imposters dinë ta luajnë lojën, disa ecin përmes saj duke shpresuar që të mos kapen dhe disa të tjerë ekspozohen për një gabim të momentit, që është e njejta gjë që i ndodhi edhe PewDiePie.

Pokimane mendonte se Pewds ishte sus që në fillim, pasi ai bashkë me Valkyrae të 100 Thieves ishin duke ju afruar terminalit për të përfunduar task-un.

Pewdiepie hyri në dhomë i pari, duke shkuar menjëherë te kompjuteri. Ai u ndoq nga Valkyrae dhe më pas Pokimane.

“Pewds po merrej me të, Rae u fut një sekondë pas meje,” tha ajo me vete duke llogaritur se kush duhet ta përfundojë tesk-un i pari. “Ndaj Pewds duhet ta mbarojë i pari.”

Pokimane filloi të dyshonte edhe më shumë kur pa se anëtari i bardhë, pra PewDiePie, doli i fundit nga terminali. Gjithmonë duke kalkuluar mundësitë, ajo priti deri më vonë gjatë lojës për të zbuluar provat që kishte, duke votuar në fund për të larguar PewDiePie.

Në mbledhjen e raundit të ardhshëm, Poki shpjegoi logjikën që kishte ndjekur, duke ekspozuar Pewds si një imposter. Në fund doli që kishte të drejtë. Ky është një tjetër shembull i vëmendjes që lojtarët duhet të kenë nëse duan të jenë të suksesshëm në Among Us.