PlayStation njofton eventin “The Future Of PS5”

Nje event madhështor eshte planifikuar nga Sony PlayStation ku do të shfaqen lojëra të reja nga vetë studjoja e PlayStation. Që nga E3 në fillim të këtij viti, ka pasur një pyetje se çfarë mund të vijë në platformën e Sony më tej, pasi ajo tashmë ka nxjerrë disa nga titujt e saj të gjeneratës së re.

Pra, kur është ky event atëherë? Dhe çfarë ka thënë Sony për këtë deri më tani? Epo, Sony do të zbulojë gjithçka të enjten, 9 shtator 2021, ora 22:00, prandaj bëhuni gati për atë kohë. Në blog Post që Sony publikoi me njoftimin, thuhet: “Ju keni qenë jashtëzakonisht të durueshëm dhe ne ju falënderojmë për këtë. Dhe tani mezi presim t’ju tregojmë atë në të cilën kemi punuar.”

Eventi do të zgjasë rreth 40 minuta dhe do të përfshijë përditësime nga PlayStation Studios dhe disa nga zhvilluesit më të mirë të industrisë, për lojërat që njoftojnë këtë event dhe më gjerë. Dhe qëndroni pranë pas prezantimit për të marrë më shumë përditësime nga disa nga ekipet e studios të paraqitura në Showcase.

Një gjë për të vënë në dukje: Gjenerata e ardhshme e VR e PlayStation nuk do të shfaqet këtë herë. Por do të ketë ende shumë lojëra të shkëlqyera PS5 nga zhvilluesit e mëdhenj dhe të vegjël. Pra, nuk ka VR, por në komente nuk u duk ndonjë mërzitje e madhe. Ju do të jeni në gjendje ta ndiqni shfaqjen si në YouTube ashtu edhe në Twitch atë ditë.