Një kërcënim i ri në horizont?
Një kërcënim i ri në horizont?
Felix ‘PewDiePie’ Kjellberg u shokua kur mësoi për një kanal të ri në YouTbe që ishte duke fituar subscribers në ritme të shpejta. Suedezi i bëri thirrje me shaka T-Series që të bashkonin forcat me të për ta ndaluar programin e famshëm të fëmijëve.
YouTuber-i reagoi ndaj një kanali të quajtur ‘Cocomelon‘ gjatë postimit të tij të fundit. Programi është për fëmijë dhe ka tërhequr me miliarda shikime në videot e tyre. PewDiePie u shokua nga shifrat që pa.
“O zot, 69 milionë shikime në ditë!? Dhe është një kanal fëmijësh!” tha ai. Përtej kësaj ai mendoi se kjo gjë ishte mjaft mbreslënëse dhe i uroi ata. “Në fakt kjo është një punë shumë e mirë Cocomelon. Punë e mirë. Punë e mirë.”
Pasi mësoi se kanali do ja kalonte me ritmin momental të rritjeve që ka, ai i kërkoi me shaka ndihmë T-Series. Pewds e vazhdoi shakanë duke menduar se çfarë mund të bënin nëse do të bashkëpunonin së bashku.
Pavarësisht mundësisë që PewDiePie dhe T-Series të kalohen nga kanali në fjalë deri në fund të vitit, numri i madh i shikuesve dhe subscribers të PewDiePie është sërish i pabesueshëm, duke marrë parasysh se ai është vetëm një individ i vetëm pas kanalit.
Në maj ai njoftoi se kishte firmosur një marrëveshje eksluziviteti me YouTube, për të bërë stream vetëm në platformën e tyre. Deri më tani transmetimet e tij kanë qenë një hit i vërtetë.