Felix ‘PewDiePie’ Kjellberg ju ka kërkuar falje fansave për shpërthimin që pati gjatë livestream-it të Ghost of Tsushima. Suedezi u acarua shumë me fansat pasi ata e bënë spam me mesaze, kur ai zbuloi aksidentalisht emrin e profilit të PlayStation 4.
Pewds e filloi videon menjëherë duke i kërkuar falje fansave për mënyrën se si ishte sjelë në transmetimin e 17 korrikut. Tentativat e tij për të luajtur lojën u ndërprenë pasi shikuesit që zbuluan emrin e tij në PlayStation e mbytën account-in e tij me mesazhe.
“Doja sinqerisht të kërkoja falje. E teprova pak dje në livestream dhe nuk më pëlqeu ajo që bëra. Isha shumë hyped për të luajtur lojën dhe në momentin që fillova njerëzit panë emrin tim në PSN dhe direkt filluan të bënin spam,” tha ai.
YouTuber-i gjithashtu tha se sado që shumicës së fansave të tij nuk ju duk si ndonjë problem i madh, ai ndjehej keq për mënyrën se si ishe sjellë. Ai shtoi se i pëlqen të flasë me shikuesit e tij, por jo kur ata kalojnë cakun e hapësirës së tij personale.