YouTuber-i Felix PewDiePie Kjellberg më në fund ka reaguar ndaj heqjes që YouTube i bëri diss track të Cocomelon, duke thënë se është shumë i zhgënjyer nga ky vendim.
Heqja e videos i surprizoi të gjithë, përfshirë këtu vetë PewDiePie. Qartazi ai kishte punuar shumë për ta bërë videon, e cila nuk synohej të ishte për fëmijë.
Gjatë një livestream-i të mbajtur në 21 shkurt, fansat e bombarduan YouTuber-in me pyetje për situatën. Ai thotë se ka në plan të bëjë një reagim më formal, por foli përciptazi për incidentin.
“Sigurisht që hoqën nga YouTube. Gjithsesi një livestream nuk është ide e mirë për ta adresuar. Dua shumë të luaj sot ndaj nuk do thellohem shumë aty. Jam i zhgënjyer dhe sigurisht që nuk jam dakord me vendimin, por nuk do them më gjë tjetër për sot. Një pjesë e imja nuk donte të futej live sepse e dija që të gjithë do më pyesnin për këtë gjë. E kuptoj, por ça ti bësh që nuk është më aty.”