PewDiePie ka patur një vit fantastik, si nga ana profesionale e gjërave edhe nga ajo personale. Ai ishte edhe në YouTube “Rewind” këtë vit, një video e përvitshme që nxjerr platforma, pasi grumbulloi më shumë shikime në 2019n.
Gjithsesi, në postimin e tij të fundit, suedezi na tha se çfarë nuk i pëlqente në YouTube, duke venë në dukje të gjitha bezdisjet që i sjell ai. 30 vjeçari e hapi videon duke thënë paraprakisht se do të fliste për disa nga njerëzit e platformës dhe për gjërat që ata bënin, që atij i dukeshin të çuditshme.
Ai filloi të listonte gjëra, duke filluar se si “YouTuber-at nuk e kanë idenë çfarë po bëjnë ndaj thjesht kopjojnë njëri-tjetrin” dhe se sa të bezdisshme i duken descriptions nëpër video.
Më tej ai u kap me YouTuber-at që bëjnë reagime të çuditshme fytyrash në thumbnails. Videoja ishte gallatë përgjithësisht, pasi mbreti i YouTube e ktheu medaljen dhe i kërkoi fansave të tij në Twitter ti thonin se çfarë ju dukej e bezdisshme në YouTuber-a si ai.
PewDiePie vazhdon të jetë një element shumë i rëndësishëm në platformën e YouTube. Në Rewinds të këtij viti ai kishte kanalin më të pare dhe videon e dytë më të pëlqyer për 2019.