Kur mendoni për YouTube, zakonisht ka vetëm një krijues që ju vjen në mendje si imazhi i platformës dhe ky është PewdiePie. Ylli ka më shumë subscribers se çdo krijues tjetër dhe rritja e kanalit të tij nuk duket se po ngadalësohet.
Gjigandi i YouTube ka arritur një milestone në platformë, dhe përsëri, ai është i pari dhe i vetmi deri tani që e ka arritur atë. Është e vështirë të besosh numrin e subscribers-ave që PewDiePie ka fituar gjatë tre viteve të fundit. Pak para se të fillonte gara e T-Series, Felix numëronte jo më shumë se 60 milion në total. Pavarësisht se humbi garën, numri i subscribers-ave të tij është gati dyfishuar dhe vazhdon të rritet.
Tani që ai ka arritur këtë shifër, shtrohet pyetja, kur do të bie numri i subscribers-ave në kanalin e PewDiePie? Megjithëse ai sigurisht nuk po ndiqet aq shumë sa dikur gjatë garës në T-Series, numri i tij vazhdon të rritet me mbi një milion çdo muaj. Pa dyshim që arritja e 120 milion subscribers nuk është shumë larg dhe, fansat do të jenë të gatshëm të festojnë arritjen me të.
Megjithëse T-Series do të arrijë 200 milion subscribers para Felix, për një krijues, rritja e kanalit siç ka bërë PewDiePie është diçka mëse e jashtëzakonshme.
Fatmirësisht, YouTube ka bërë një çmim për Felix për këtë arritje masive.Sapo ai shënoi 100 milion subscribers, platforma i dha një çmim ekskluziv, ‘Red Diamond Creator Award’, kështu që kush e di se çfarë do të jetë planifikuar tani që Felix ka arritur 110 milion.
Nuk mund të mohohet se kur bëhet fjalë për subscribers, PewDiePie është ende mbreti i YouTube dhe nga sa duket, askush nuk do ta marrë vendin e tij së shpejti.