Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjatë një interviste me Anthony Padilla, Felix ‘PewDiePie‘ Kjellberg zbuloi se kur do të ishte koha e duhur për të hequr dorë nga kanali i tij në YouTube. Suedezi i tha krijuesit të Smosh se e ka konsideruar që të largohet në të kaluarën.
Gjatë intervistës, Padilla e pyeti nëse kishte në mendje një “synim përfundimtar” për kanalin e tij të YouTube. Pewds ktheu përgjigje duke zbuluar se cilat do të ishin rrethanat që do e bënin atë të largohej.
“Thjesht dua të vazhdoj të kënaqem me të dhe në momentin që nuk po kënaqem më, ajo do të jetë pika kur do të largohem. Por nuk ja kam idenë se kur do të jetë kjo,” shpjegoi ai. Më pas qeshi dhe tha: “Kujtoj se në 2013 thoja se edhe dy vite dhe do e lija, por tani thjesht mendoj që, okay do e vazhdoj.”
Sado që 30-vjeçari nuk ka në plan që të largohet nga YouTube në të ardhmen e afërt, ai gjithashtu shpjegoi pse i nevojitej që të merrte një muaj pushim për të shmangur “YouTuber Burnout”. Në janar PewDiePie mori një pushim nga kanali i tij për herë të parë pas një dekade.
Ai zbuloi se këto pushime shumë të nevojshme, e bënë të kuptonte që nuk ka nevojë të vazhdojë të krijojë që të qëndrojë i lumtur: “Pushimi për një muaj më mësoi shumë për veten time. Edhe pse më mori malli për YouTube, kuptova që mund të jetoj pa të.”
