E ardhmja e kanalit të tij duket se janë livestreams
E ardhmja e kanalit të tij duket se janë livestreams
PewDiePie po hedh një tjetër hap drejt botës së livestreaming. Ai po bashkëpunon me YouTube për të sjellë më shumë kontent live në kanalin e tij. PewDiePie tha se ai do të bëjë stream ekskluzivisht në këtë platformë dhe se ai do të fokusohet më shumë në këtë formë kontenti në 2020 dhe më tutje.
YouTuber-i ka mbi 104 milionë subscribers, por nuk ka tentuar kurrë livestream-in përveçse me DLive gjatë vitit të kaluar.
PewDiePie është bërë i famshëm në internet me anë të karrierës së tij në YouTube të nisur në 2010. Ai u bë kanali i parë individual me mbi 100 milionë subscribers në 2019 dhe tani ka mbi 104 milionë. Sa për krahasim, kanali më i madh në Twitch është kanali i vjetër i Ninja me 14 milionë followers, ndërkohë që tani Tfue ka 8 milionë followers, shifra shumë të vogla në kraahsim me ato të PewDiePie.
Duke parë shifrat që ka arritur, nuk është çudi që PewDiePie ka zgjedhur YouTube në vend të një platforme tjetër, pavarësisht bashkëpunimit të shkurtër me DLive. Ky bashkëpunim gjithashtu mund të rrisë popullaritetin e streaming në YouTube në përgjithësi.