“Do e haja Baby Yoda, nëse kjo do e hiqte qafe atë.”
“Do e haja Baby Yoda, nëse kjo do e hiqte qafe atë.”
Në një tjetër episod të Meme Review, Felix ‘PewDiePie’ Kjellberg ka shpjeguar se si ndjehet për ekzistencën e Baby Yoda dhe të gjitha memet që e kanë pasuar atë. Ylli i YouTube gjithashtu u shpreh se si ka për qëllim që ta shkatërrojë një herë e përgjithmonë.
Meme Review është një nga seritë më të famshme që PewDiePie ka në YouTube. Aty ai jep opinionin e tij për memet më të përhapura dhe të famshme të momentit. Tani, me Baby Yoda që ka dalë në serialin ekskluziv të Diseny+, The Mandalorian, alieni i vogël jeshil i ka bërë të gjithë në internet të bien në dashuri me të.
Gjithsesi, duket se jo të gjithë janë fansa të tij dhe PewDiePie është një prej tyre. Ai e bëri shumë të qartë në episodin e tij të fundit të MemeReview në 3 dhjetor, se nuk i pëlqen ekzistenca e tij. Duke u futur në detaj se si ka në plan ta heqë Baby Yoda nga interneti, ai tha: “Do e haja Baby Yoda, nëse kjo do e hiqte qafe atë.”
“Nëse dikush do më trokiste në derë tani dhe do më thoshte: ‘Hey, kemi Baby Yoda këtu, e kemi lyer me gjalpë, e kemi fermentuar për tre ditë rreshtë, ka për të shijuar si m**, por nëse e ha tani ai do të zhduket përgjithmonë’, as nuk do të hezitoja…Do e gllabëroja Baby Yoda.”
Është e qartë pra që PewDiePie është tepër i bezdisur nga ekzistenca e Baby Yoda. Nuk mund të themi pse, jam shumë e sigurtë që shumica prej jush mendojnë se ai është i adhurueshëm, por në këtë jetë gjërat janë subjektive. Nëse PewDiePie do të hajë Baby Yoda, kush jemi ne ti mbushim mendjen për të kundërtën?
Së fundmi Baby Yoda ka qënë realisht i pashmangshëm në internet. Për fatin e mirë të PewDiePie memet nuk zgjasin përgjithmonë, ndaj me shumë mundësi në javët e ardhshme i gjithë ky momenti i Baby Yoda do të ketë marrë fund dhe personazhi do të futet në arkivat e historisë së memeve. Një zgjidhje kjo shumë më efikase se ngrënia e tij.