Ai e kishte paralajmëruar këtë pushim më herët
Ai e kishte paralajmëruar këtë pushim më herët
Seksioni gaming në YouTube do të duket ndryshe gjatë javëve të ardhshme, pasi PewDiePie më në fund ka vendosur të marrë një pushim. Mbreti i YouTube ka bërë video thuajse çdo ditë gjatë 10 viteve të fundit, por ditën e djeshme ai postoi videon e fundit në të ardhmen e afërt.
Muajin e kaluar, 30 vjeçari zbuloi se po planifikonte të merrte një pushim nga YouTube duke thënë se ishte shumë i lodhur dhe më në fund ky moment ka ardhur. Ende nuk dihet se sa pushim do të bëjë PewDiePie nga YouTube.
Në videon e tij të fundit, PewDiePie falenderoi shikuesit e tij për mbështetjen gjatë 10 viteve të fundit përpara se të niste LWIAY-n e rradhës.
“Faleminderit që keni parë gjatë viteve,” – tha ai. “E di, po e bëj më të madhe se ç’është, por është diçka e madhe, edhe pse nuk është e madhe. Thjesht dua t’i falenderoj që keni parë videot e mia, – kjo më gëzon.”
“Një gjë që kamë kuptuar është se dashuroj të bëj video dhe të flas me ju. Gjithsesi, mendoj se këtë vit, ka patur kaq shumë gjëra dhe duhet të pushoj për pak. Më pas do të rikthehem me 10,000%.”
PewDiePie ka patur një rritje fantastike gjatë viteve të fundit, duke arritur 100 milionë subscribers në YouTube. Vetëm gjatë vitit të fundit, ai u martua me të dashurën e tij prej vitesh Marzia Bisognin, u përplas me disa personalitete online dhe iu vodh shtëpia, prandaj nuk është çudi që ai dëshiron të marrë një pushim.