PewDiePie sfidon Elon Musk që të krijojë një raketë Space X me Rick & Morty

Felix ‘PewDiePie’ Kjellbergi njohur ndryshe si mbreti i YouTube, sfidoi CEO e Tesla, Elon Musk, që të krijonte një raketë me tematikën e Rick and Morty. Suedezi do që miliarderi ti çojë memet në një nivel tjetër.

PewDiePie ka qenë prej kohës një fans i Elon Musk, duke e përmendur shpesh edhe në videot e kaluara. Miliarderi edhe ka prezantuar ‘Meme Review‘ në shkurt të 2019s.

Në videon e tij të fundit të ‘Last Week I Asked You’, PewDiePie e sfidoi që të bënte një raketë me tematikën e Rick and Morty të bazuar në Pickle Rick. Ai po reagonte ndaj një memeje për CEO e Tesla që kishte vendosur Alita: Battle Angel në anën e raketave.

Duke mos e besuar dot historinë PewDiePie tha me shaka: “Jo jo jo, ai nuk e bëri atë. Ai supozohej të vendoste ‘subscribe to pewdiepie’… oh ka vdekur si meme gjithsesi.” Më tej ai riformuloi: “Ai duket të kishte vënë Pickle Rick. Aty po që do e kishte fituar respektin tim.”

YouTuber-i vazhdoi të shpërthente në të qeshura pasi kërkoi në google dhe zbuloi se Elon Musk kishte postuar në Twitter për këtë në 25 shkurt.

“Kjo do më bënte vërtet të lumtur!” tha ai. “Nëse shoh një Pickle Rick në raketën e Elon Musk do vija në dyshim vetë ekzistencën. Nëse do të kishte një Pickle Rick në një raketë, atëherë njerëzimi do ja ketë vlejtur.“

Sado që mbreti i memeve konsiderohet PewDiePie, Elon Musk është gjithashtu goxha i zoti. CEO i Tesla ka dominuar internetin disa herë me postime që janë bërë virale. Ndaj ku i dihet, ndoshta fansat do të mund të shohin ndonjë tjetër bashkëpunim mes dy personazheve në të ardhmen.