Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Cilat janë ndryshimet që pandemia ka kryer në fushën e lojërave mobile?
2020 ishte një vit i cili solli ndryshime shumë të paparashikueshme duke futur në gjendje shumë shtete të botës. Gjatë kësaj kohe lojërat mobile filluan të pësonin një ndryshim dhe të bëheshin një nga format e ndryshme të argëtimit dhe ndërveprimit social për njerëzit.
Shumë njerëz në industrinë e gaming kanë filluar ta quajnë 2020 si fillimin e një epoke të re për lojërat mobile. Në Kinë, e cila nisi karantinën më shpejt, shkarkimet e lojërave mobile arritën shifrën 284.3 milion gjatë muajit shkurt. Ky trend gjithashtu u zhvillua edhe tek vendet perëndimore.
Gjatë këtij viti, shkarkimet në App Store u rritën me 33% në krahasim me vitin e kaluar duke arritur shifrën 3 miliardë kurse Google Play u rrit me 38% duke arritur shifrën 10.3 miliardë. Kjo gjë ka bërë që të dyja këto dyqane online për aplikacionet mobile të arrijnë rritje rekord. Nëse kjo rritje vazhdon, industria e gaming mund të arrijë 98 miliardë dollarë amerikanë të ardhura deri më vitin 2024.
Me një rritje kaq të madhe në shkarkime, lojërat mobile duhet të përgatiten për një audiencë të re njerëzish të cilët ndoshta nuk janë të interesuar në gaming. Kjo audiencë mund të lëvizë nga një lojë mobile në një tjetër në varësinë të argëtimit që ata marrin dhe shumë faktorëve të tjerë.
Dhe një ndër këto është ndërveprimi social që lojërat mobile ofrojnë. Disa lojëra si Escape Team, Heads Up dhe Words With Friends janë mënyra të mirë për të takuar miq të rinj ose të vjetër dhe t’ia kaloni mirë. Të detyruar që gjatë shumicës së kohës të rrimë në shtëpi, lojërat mobile janë një mënyrë e mirë për t’u argëtuar gjatë kësaj kohe.
Gjithashtu një faktor tjetër është edhe faktori lumturi që lojërat ofrojnë. Një studim së fundmi ka treguar që gaming ndikon pozitivisht në humorin e njerëzve. Ky studim tregon se të rritur që luajnë video lojëra ka nivele më të larta të lumturisë, janë më të relaksuar dhe shëndet më të mirë mendor.
Kjo gjë ka bërë që lojërat multiplayer që kanë ndërveprim social të rriten shumë kohët e fundit. Një ndër to është Pokerface që është një lojë ndryshe nga të tjerat. Pokerface është loja e parë Texas Hold’em poker e cila iu ofron group video chat me njerëz nga kudo në botë duke iu dhënë mundësinë të luani me miqtë tuaj, të njiheni me shumë njerëz të tjerë dhe t’i shikoni ata teksa buzëqeshin ose bëjnë blof.
Një lojë tjetër popullore e cila ka premtuar se do të shtojë group video chat është Fortnite në bashkëpunim me Houseparty. Fortnite prenton se do t’i vendos të gjitha në të njëjtin ekran duke përfshirë edhe lojën. Me pak fjalë, lojtarët e Fortnite do të munden të shohin fytyrat e miqve të tyre teksa ata luajnë.
Një lojë tjetër është Among Us që është një shembull perfekt për shkak të elementëve të tij të ndërveprimit social. Among Us është një lojë e thjeshtë që mund të luhet nga 5 deri në 10 lojtar të cilët kanë detyra të ndryshme. Ndërmjet këtyre lojtarëve do të ketë edhe imposter të cilët duhet të vrasin dhe të sabotojnë në mënyrë që të fitojnë.
Lojtarët duhet të raportojnë vrasjet e kryera nga imposters dhe të komunikojnë e të gjejnë se kush e ka kryer vrasjen në mënyrë që të fitojnë. Kjo gjë ka bërë që loja të pëlqehet shumë nga njerëzit dhe të bejë që së fundmi të thyej rekorde të ndryshme.
Një aplikacion tjetër që është përdorur shumë gjatë kësaj kohe është Discord i cili është një platformë sociale ku ju mund të flisni me njerëz të ndryshëm nëpërmjet tekstit, zërit ose videos. Së fundmi kjo platformë ka pësuar një rritje të madhe në pajisjet mobile pasi iu ofron mundësinë që të komunikoni me miqtë tuaj teksa luani lojën tuaj.
Gjithashtu mos harroni të bëheni pjesë e serverit tonë të Discord ku mund të njiheni me njerëz të ndryshëm, të luani lojëra të ndryshme dhe më e rëndësishmja, t’ia kaloni mirë dhe të argëtoheni.
Nëse këto muaj na kanë mësuar diçka, ajo ka qënë që lojërat mobile kanë potencialin të kthehen në mënyra të ndryshme argëtimi dhe ndërveprimi social dhe të mbijetojnë, ndryshe nga shumë industri të tjera.
