Në këtë pikë, i kemi parë të gjitha…
Në këtë pikë, i kemi parë të gjitha…
Një grua në Florida është arrestuar, pasi në shpërthim e sipër i nxorri nofullën të birit, sepse nuk po pushonte së luajturi Fortnite.
Fortnite ka qenë një sukses masiv që kur u lançua në shtator të 2017s dhe le të themi që gjatë rrugës fansat, specifikisht fëmijët, janë bërë të pandashëm nga loja. Loja falas e Epic është luajtur nga mbi 250 milion njerëz dhe ka sjellë rreth $2 miliard fitime.
Gjithsesi, një grua në Florida ka vendosur që djali i saj kishte luajtur boll battle royale dhe vendosi të merrte disa masa për këtë. Ann Perugia, 35 vjeçarja nga South Dayton, u arrestua me akuzën për dhunë ndaj djalit të saj 10 vjeçar.
Mendohet se djali kishte “harruar” të largohej nga loja kur e ëma i kishte kërkuar të bënte një dush. Sipas raportit të policisë, kur djali u pyet nëse kishte bërë dush dhe tha jo, e ëma e kishte ndjekur në tualet dhe e kishte grushtuar vazhdimisht në fytyrë derisa i nxorri nofullën nga vendi.
Shenja të tjera gjithashtu u zbuluan në trupin e djalit, që mendohen të jenë shkaktuar gjithashtu nga mamaja e tij.
Perugia më vonë telefonoi të atin e fëmijës dhe i kërkoi që ta merrte. Teksa ai po vinte thuhet se djali po qëndronte përpara shtëpisë me një çantë me rroba, kur pak më vonë erdhi dhe u mor nga babai.
Pas arrestit, e ëma e djalit i tha policisë se 10-vjeçari kishte ardhur nga shkolla dhe kishte filluar të luante menjëherë Fortnite. Kur ajo i kërkoi të birit që të futej në dush ai bëri rezistencë duke i thënë: “Të urrej dhe ti nuk bën asgjë për mua.”
Gruaja në fjalë tashmë është arrestuar për abuzim të agravuar fizik fëmije, sado që nuk e ka pranuar që është treguar e dhunshme ndaj djalit të saj. Momentalisht 10-vjeçari po qëndron me të afërmit e tjerë të familjes, sepse i ati nuk ka të drejta për kujdestarinë.