Ninja, shroud dhe streamera të tjerë janë të lirë të rikthehen në Twitch

Microsoft ka njoftuar se do të mbyllin platformën e Mixer dhe do të bashkëpunojnë me Facebook, duke e lejuar komunitetin të kalojë në Facebook Gaming, por edhe Twitch nëse ata duan.

Në një njoftim të bërë në 22 qershor, Microsoft njoftoi se kishin vendosur që të mbyllnin Mixer dhe ta ndihmonin komunitetin të kalonte në një platformë tjetër.

“U bë e qartë se duhej shumë kohë për ta rritur komunitetin tonë të livestreaming, që të vinte në të njejtën shkallë me vizionin tonë dhe eksperiencën që duam t’ju sjellim gamers tani. Ndaj kemi vendosur që të mbyllim anën operative të Mixer dhe të ndihmojmë komunitetin që të kalojë në një platformë të re,” tha Microsoft në konferencën e tij për shtyp. “Ne do të punojmë për ta transformuar komunitetin e Mixer në javët e ardhshme. Duke filluar nga data 22 korrik, të gjitha faqet e Mixer do të bëhen redirect në Facebook Gaming.”

Ata që krijojnë në Mixer nuk do të detyrohen që të bëjnë transferimin në Facebook Gaming nëse nuk duan, që do të thotë se emra të mëdhenj si Ninja dhe shroud, mund të rikthehen në Twitch në të ardhmen.

Sipas gazetarit Richard Lewis, Facebook tentoi të negocionte dhe ti mbante të dy ata, po yjet zgjodhën të mos merrnin pjesë në këtë kalim.

Si duket pas konfirmimit të këtij lajmi, shroud hoqi linkun e faqes së tij të Mixer nga profili i Twitter, pas pasi lajmi u bë publik. Nëse kjo do të thotë që zoti i FPS do të kthehet sërish në Twitch ose jo, mbetet që ta shohim.

Ninja mund të rikthehet në Twitch, por duke marrë parasysh konfliktin që ndodhi mes tij dhe platformës kur ai njoftoi se do të ikte në Mixer në gusht të 2019s, është diçka që do e vinim në dyshim.

Sado që thuhet se ata ishin në dijeni të lajmit përpara se ai të bëhej publik, disa nga streamers më të vegjël të platformës nuk ishin aspak të informuar dhe e morën vesh lajmin, teksa ishin në mes të transmetimit.

Sado që ata kanë opsionin e hapur për të kaluar në Facebook Gaming, mbyllja e Mixer në mënyrë kaq të papritur, ka për të dëmtuar disa nga streamerat e vegjël, që janë përpjekur të ndërtojnë komunitetin e tyre në platformë.

I gjithë ky lajm erdhi një ditë pasi një ish punonjës i Mixer dhe Microsoft akuzoi sektorin menaxhues të platformës së streaming për rracizëm, duke ju referuar streamer-ave si “skllevër”.