Ylli i Mixer, Tyler Ninja Blevins ka ngritur zërin e tij për më shumë lëvizshmëri në Fortnite, duke sugjeruar se harta gjigande e Chapter 2 mund të jetë më e shijueshme me disa opsione shtesë të lëvizjeve.
Kjo nuk është hera e parë që Ninja ka bërë një kërkesë për Epic në 2020-ën. Javën që lamë pas ai pranoi se nuk po kënaqet më aq shumë me Fortnite dhe se nëse loja do të vazhdonte të kishte bugs dhe glitches do të haste shumë vështirësi.
Tashmë, ai po kritikon një element tjetër të gameplay-it të battle royale-it: rrethi dhe mënyra se si ai mbyllet kur lojtarët arrijne drejt fundit të ndeshjes. Sipas Ninja, ka disa probleme që po bien njëra mbi tjetrën në këto momente mbi lojën. Kryesisht fakti që harta është shumë e madhe po krijon një situatë të vështirë për të kapur rrethin te lojtarët.
Krahas kësaj, heqja e items si Baller dhe BRUTE mechs, sado që ishin të mira për pjesën kompetitive të lojës, e kanë lënë atë të çalojë në opsionet e mobilizimit. Gjë kjo që u bë edhe më keq kur bënë vault dhe launch pads.
Të gjitha këto elementë krijojnë një farë ngërçi nga një anë e hartës te tjetra, thjesht për të shmangur rrethin. Ninja mendon se është pak budallallik që një pjesë kaq e madhe e lojës të lidhet me idenë e të shmangurit të rrethit.