Tyler ‘Ninja’ Blevins ka ndjekur hapat e streamerave të tjerë dha ka zbuluar ndryshimet e mëdha që duhen bërë për të rregulluar Fortnite.
Anëtarë të shumtë të komunitetit të Fortnite i janë drejtuar mediave sociale për të shprehur inatin e tyre me stadin momental të lojës me hashtagun #RIPFortnite, që ka qenë trending për orë të tëra. Pas kësaj SypherPK postoi një video kur tregonte të gjitha problemet e lojës sipas tij dhe tani ka ardhur koha që Ninja të sjellë reagimin e tij.
Në një video të postuar në Twitter, ai reagoi ndaj videos së SyhperPK duke thënë se qe një gjë që e “goditi rëndë”. Ai tha se e donte shumë Fortnite si lojë dhe se do që ta shohë sërish në lavdinë e saj të dikurshme.
Ata që shohin video dhe streams të Fortnite rregullisht mund të jenë mërzitur pasi disa emra të mëdhenj në industri e kanë braktisur lojën. Ninja gjithashtu është prekur nga kjo, me dy shokët e tij të mëparshëm: CouRageJD dhe DrLupo që kanë hequr dorë nga Fortnite.
Gjithsesi Ninja do që të shikojë disa ndryshime në lojë, duke propozuar disa ndryshime masive që Epic Games duhet t’i konsiderojë.
Në video ai thotë se do të donte të shikonte një loot pool më të madh dhe më argëtues, sepse ndjehet sikur solos, duos dhe squads janë bërë shumë serioze në gameplay. Ninja gjithashtu propozoi më shumë lojtarë në lojërat normale, pasi në fund të rrethit të parë ka gjithmonë rreth 10 ose 20 veta që kanë mbetur aktivë.
Diçka tjetër, që ai e ka përmendur edhe më parë në transmetimet e tij në Mixer është nevoja për armë të ndryshme në modet kompetitive. Armë që kërkojnë më shumë aftësi në përdorim.
Në mbyllje ai u shpreh se si kjo lojë ka qenë e gjithë jeta e tij gjatë tre viteve të fundit dhe se do të donte të shikonte pak më shumë komunikim nga ana e Epic. Nëse Epic Games do të reagojë ndaj këtyre propozimeve mbetet të shohim, por është e sigurtë që duhet bërë diçka për të risjellë prapë content creators që po largohen nga loja dita ditës.