Pas shumë kohësh Ninja është rikthyer në Fortnite, duke pranuar se sezonet e ngadalta që ka patur loja së fundmi, kanë qenë arsyeja pse ju desh të hiqte dorë përkohësisht. Çdo gjë duket të jetë në rregull gjithsesi, pasi sezoni i ri i ka rikthyer pasionin për lojën.
“Tani jam rikthyer të luaj Fortnite. Kam muaj që nuk e luaj. Sinqerisht, loja nuk ishte më qef për mua. Ishte shumë e avashtë dhe e mërzitshme. Nuk kam asgjë të mirë për të thënë për Fortnite në dy sezonet e fundit,” është shprehur ai.
Pas një pushimi të gjatë, Ninja u rikthye në Fortnite gjatë Season 4, pas një rekomandimi nga SypherPK.
“SypherPK më çoi mesazh dhe më tha: ‘a do të luajmë Fortnite, thjesht duos sa për ta provuar’. Unë i thashë po.”
“Po kënaqem sërish, loja është sërish gallatë. Po luaj Fortnite solos, kur ka qenë hera e fundit që më keni parë duke luajtur Fortnite solos?”