I konsideruar si një nga emrat më të mëdhenj në botën e streaming, Ninja ka patur bashkëpunime dhe projekte të shumta për të promovuar brandin e tij. Ndër to është edhe marrëveshja me Adidas, me të cilin Ninja është duke sjellë një model të ri atletesh.
Situata për Ninja është pak në ajër për momentin, pasi ylli i streaming kaloi nga Twitch në Mixer, vetëm që Mixer të mbyllej sërish. Ninja është hapur për Mixer dhe vështirësitë që ka hasur në të bërit stream aty. Sado që e ardhmja e tij mund të jetë pak e lëkundur për momentin, puna e tij me Adidas mbetet e njejta, me një variant të ri për Adidas Superstar.
E zbuluar së fundmi në Twitter-in e Ninja, “TIME IN” Superstars janë të bardha me shirita blu. Ajo çfarë nuk duket në foto dhe që është e rëndësishme ta theksojme, është se njëra anë e këpucës është një dizajn reflektiv “motherboard”, për të treguar sfondin e Ninja si gamer. Këpucët do të jenë të disponueshme në 8 gusht.