Ninja bëri rikthimin e tij në Twitch dje. Sado që ai nuk tërhoqi të njejtat nivele audience siç bënte në 2018n, ai thotë se është i përgatitur të punojë fort, për tu kthyer në majat e Twitch.
Përpara se të linte Twitch për Mixer në vjeshtën e 2019s, Ninja ishte një nga streamerat më të mirë të vitit. Në 2018n ai kishte më shumë se dyfishin e orëve të para të çdo kanali. Kur u kthye pardje, Ninja ju tregoi fansave pak nga kjo praktikë e fortë pune që e çoi drejt majave, me një stream 10-orë, që grumbulloi rreth 700,000 orë të para.
Shikueshmëria mesatare e tij nuk ishte tamam në të njejtin nivel me Shroud ose Dr Disrespect, por me 67,811 shikues, streami i tij i parë tregoi një potencial që rikthimi i streamer-ave të tjerë ndoshta nuk e ka treguar.
Ninja luajti disa lojëra. Pasi filloi me Just Chatting, ai luajti pak Fall Guys dhe pak Valorant për të përfunduar stream-in.
Sado që shikueshmëria e tij maksimale erdhi në fillim të stream-it të tij, shikueshmëria mesatare më e lartë ishte gjatë kohës kur po luante Fall Guys pasdite me 76,100.
Ninja e di që nuk është në të njejtin nivel siç ishte dikur dhe e pranoi këtë edhe në 30 minutat e para të stream-it të tij.