Ninja dhe Luke Skywalker dora vetë, Mark Hamill, u ulën së bashku për një episod të Xbox Sessions për të luajtur Fortnite.
Në përpjekie për të promovuar eventin e Fortnite Winterfest, ylli i Mixer, Ninja, u ul bashkë me Mark Hamill dhe familjen e tij për të treguar kontentin e ri të lojës.
Ja vlen të përmendim se kjo ishte hera e parë për Hamill që luante Fortnite, ndaj Ninja-s i duhej të jepte shumë këshilla. Fatmirësisht, ai ishte në krye të punës dhe lehtazi e orientoi Hamill drejt situatës.
Dyshes ju bashkua edhe streamer-i i Mixer, Simby dhe të gjithë ata treguan veçoritë e reja që kishin ardhur në Fortnite. Nga ana e gameplay-it të Hamill, nuk mund të prisnim shumë, sepse ishte hera e parë që e luante, por mund të themi se gjërat mund të kishin shkuar shumë më keq.
Mark Hamill mësonte goxha shpejt, pak a shumë si Luke Skywalker kur u trajnua me Yoda në Dagobah. Për çudi, në fund të seancës, Hamil tha se do të donte të vazhdonte të luante Fortnite në të ardhmen.
“Kisha frikë diçka, që tani doli të jetë e vërtetë. Dua të luaj më shumë dhe nuk e kam kohën,” tha ai.