Streamer-i më i madh në botë paska plane të tjera
Streamer-i më i madh në botë paska plane të tjera
Tyler “Ninja” Blevins ende nuk dihet se çfarë do të bëjë. Tashmë që Mixer u mbyll, ai testoi një stream në YouTube, por ende nuk ka arritur një kontratë të mirëfilltë. Megjithatë, në një intervistë për Hollywood Reporter, ai shprehu ambiciet e tij jashtë stream-it.
Ninja mesa duket dëshiron patjetër të futet në Hollywood, pavarësisht nëse është në filma, dublime apo kartona. Kjo ambicie e tij është arsyeja pse ai morri pjesë në The Masked Singer dhe pse gjithashtu ai do të luajë në filmin e Ryan Reynolds Free Guy, i cili pritet të vijë në dhjetor.
Eksperienca e Ninja në Free Guy mesa duket ka shkuar mirë, me të gjithë që e kanë lavdëruar atë dhe e kanë bërë këtë gjë vërtet. Në kohën e lirë, Ninja lexon skenare dhe jep idetë e tij për filmin, por mesa duket ai thjesht po pret momentin që të futet në mënyrë natyrale në skenë.
Për sa i përket të ardhmes si streamer, Ninja nuk tha se ku do të përfundonte, por thuhet se ndarja e tij nga Twitch ishte deri diku problematike. Gruaja e Ninja tha vjet në një intervistë se ndarja erdhi pasi Twitch po limitonte kontratat që Ninja mund të firmoste, duke limituar aftësinë e tij për t’u rritur jashtë botës së gaming. Edhe pse kjo fazë tashmë ka kaluar, nëse Twitch nuk heq dorë nga këto pretendime, ka shumë mundësi ta shohim Ninja diku tjetër.