Tyler Ninja Blevins vazhdon të marrë hapa që e bëjnë emrin e tij edhe më të njohur në industrinë e gaming. Së fundmi ai ka firmosur një kontratë me një nga agjensitë më të mëdha të talentit në Hollywood.
Pavarësisht faktit se ky ka qenë një vit i turbulluar për të, me mbylljen e Mixer, Ninja ka vazhduar të ndërmarrë hapa të mëdha për të ecur përpara. Rikthimi i tij në Twitch ishte një event historik dhe tani ai po e mbyll 2020n me një lëvizje të paparashikuar.
Ninja ka firmosur kontratë me Creative Artists Agency, “për përfaqësim në të gjitha fushat”. CAA përfaqëson disa nga emrat më të njohur artistikë në mbarë botën si Tom Cruise dhe Chris Evans.
Agjensia mbulon një gamë të gjerë figurash nga yje të sportit, në muzikantë, aktorë dhe sigurisht gamers. Në fakt, Dr Disrespect ka qenë ndër të parët që i është bashkuar CAA.
“Super i emocionuar për kapitullin e ardhshëm të karrierës time,” postoi ai në Twitter në datë 12 tetor. “Zyrarisht kam firmosur me CAA.”
Është ende herët për të kuptuar se çfarë mundësishë mund të sjellin ata për Ninja, por gjasat janë që do të shohim disa gjëra interesante në karrierën e tij tani e tutje. Tashmë që po bën sërish stream ekskluzivisht në Twitch, duket se nuk ka shenja ngadalësimi për 29-vjeçarin.