Ninja dhe SypherPK mendojnë se Fortnite duhet të ketë po aq lojtarë sa Warzone

Ninja dhe SypherPK kanë sugjeruar se Fortnite duhet të ndjekë hapat e Call of Duty: Warzone dhe të zgjerojë numrin e lojtarëve që gjenden në një lobby.

Gjatë një transmetimi që këta të dy po mbanin duke luajtur së bashku, ata sugjeruan se harta e Fortnite është mjeftueshëm e madhe sa të përballojë më shumë lojtarë në një lobby. “Kjo hartë është 40% më e madhe se harta e fundit dhe ka të njejtën sasi lojtarësh. Ky është një defekt,” tha Ninja.

Ylli i Mixer gjithashtu shtoi se Epic Games duhet ta rrisë numrin e lojtarëve ashtu siç ka bërë Warzone, të paktën sa për të parë se si do të funksiononte.

“Duhet të provojnë 125,” shtoi ai. “Të bëjnë një LTM (limited time mode) me 125/150 lojtarë.”

SypherPK vuri në dukje se sado që disa lojtarë mund të kenë shqetësime për lag-un dhe performancën, me shumë gjasa ideja do të ishte e mirë.

Teksa loby-t e lojës janë limituar në 100 lojtarë, evente të shumta të mbajtura në Fortnite kanë treguar se ka kapacitet për të përballuar një 25 ose 50 shtesë.

Nëse Fortnite do të zgjedhë të imitojë Warzone dhe të rrisë numrin e lojtarëve nëpër ndeshje mbetet ta shohim.