Ninja bën një flex të çuditshëm teksa luan Fortnite

Është mëse e ditur deri tani që Ninja ka një llogari bankare mëse të mjaftueshme. Gjithsesi, së fundmi të gjithë u shokuan kur ai zbuloi një fakt të çuditshëm rreth jetës së tij gjatë një loje të Fortnite, që thekson se sa mbreslënës është net worth-i i Ninja.

Teksa po bënte farm në Dirty Docks me Tim ‘TimTheTatman’ Betar, Ben ‘DrLupo’ Lupo, dhe Jack ‘CouRage’ Dunlop, Ninja rrefeu një histori rreth një situate të çuditshme që përfshinte dy qentë e tij dhe një televizor shumë të shtrenjtë.

“Doni të dëgjoni diçka të çuditshme?” pyeti streamer-i i Mixer. “Kemi njerëz që po punojnë në shtëpi me rimodelimin e banjave dhe nuk duam që qentë të futen dhe ti ndërpresin punën. Për këtë arsye kemi vënë porta rreth e qark shtëpisë që qentë të mos kalojnë, por në një pikë na mbaruan portat. Ndaj po përdorim një televizor 60 inch për ti bllokuar.” 

Kjo solli një vrull të qeshurash nga tre shokët e skuadrës së Ninja dhe mosbesim nga shikuesit.

Sado që shikueshmëria e Ninja ka qenë më e ulët që kur bëri kalimin në Mixer, profili i tij si gameri më i famshëm në botë vetëm është rritur. Sigurisht që kur ke marrëveshje me Adidas dhe Red Bull, ke librin tënd dhe do të dalësh në një film me Ryan Reynolds, mund të bësh pak flex herë pas here, edhe nëse flex-i është i çuditshëm.

Sado që Ninja vazhdon të bëjë stream vazhdimisht, të gjitha mundësitë dhe ofertat jashtë streaming, i kanë ardhur pasi u largua nga Twitch. Dikush do të mendonte se ky ishte vendimi i duhur për tu bërë, duke qenë se ka një TV 60 inch që thjesht rri kot në shtëpi.