Teksa shumë talleshin me prezencën e Mixer në botën e streaming, një pjesë e mirë ishin realisht të trishtë kur ai u largua në atë lloj mënyre. Një fikje e menjëherëshme, duke ju dhënë krijuesve vetëm një muaj kohë që të gjenin një shtëpi të re për komunitetin e tyre. Tani Streams Charts, ka përgatitur disa statistika që tregojnë se sa keq ishte Mixer në ditët e fundit të mbetura në internet.
Statistikat tregojnë se nga data 1 korrik në 23 korrik, dita kur platforma ishte zyrtarisht offline, streamet e mbetura kishin grumbulluar vetëm 5.5 milionë orë të para. Kjo mund të duket sikur është shumë, por e vënë në kontekst, e njejta shifër orësh është arritur nga streameri i Twitch Nick ‘Nickmercs‘ Kolcheff brenda të njejtës periudhë kohore.
Gjithashtu u zbulua se shikueshmëria më e lartë që ka patur e gjithë platforma në korrik ishte vetëm 21,632, shifra normale këto për shumicën e fytyrave më të njohura të Twitch.
Për çudi, statistikat tregojnë se Mixer kishte muajin më të mirë përsa i përket shikueshmërisë së platformës dhe orëve në maj, një muaj përpara se të merrte vendimin për tu mbyllur. Sigurisht numra prapë janë vite dritë larg atyre që sjell konkurenca.
Sado që Mixer besoi se po të paguante për ekskluzivitetin e streamerave do të arrinte të çante përpara, statistikat vërtetuan se kjo taktikë nuk eci për ta.