Mesa duket dikush tjetër qenka ai që fiton më shumë nga Twitch
Mesa duket dikush tjetër qenka ai që fiton më shumë nga Twitch
NICKMERCS ka disa vite që është një streamer i suksesshëm, sidomos pas kalimit nga Call of Duty në Fortnite, ndërkohë që ai është nga streamer-at me shikueshmërinë më të lartë në Twitch, por jo një prej atyre që konsiderohet shpesh si më i madhi në platformë.
Megjithatë, një raport i ri e vendos Nick në krye të listës, edhe pse ka vetëm gjysmën e ndjekësve të Tfue, që ndodhet në vendin e dytë. Sipas këtij raporti, Nick fitoi $1,516,358 gjatë vitit, pa përfshirë këtu donacionet.
Pranë tij ndodhet Tfue në listë, i cili mesa duket fiton $1,414,518 nga subscriptions, ndërsa TimTheTatman ndodhej në vendin e tretë me $1,378,412. Ka edhe pesë streamer-a të tjerë të cilët fitojnë më shumë se $1 milionë nga subscriptions: Dr. Disrespect, MOONMOON, xQc, AdmiralBahroo dhe Summit1G.
Nick ka më pask subscribers sesa Tfue dhe Tim, prandaj është e çuditshme që ai ka më shumë fitime. Sipas raportit, kjo ndodh sepse Nick ka më shumë Tier 3 subscribers, të cilët paguajnë $25 në muaj dhe jo $5 si ata të Tier 1. Nick ka 13,513 Tier 3 subscribers, rreth 10,000 më shumë se Tfue dhe 12,000 më shumë se Tim.
Duke qënë se raporti fokusohet vetëm tek Twitch, këtu nuk përfshihen streamers në platforma të tjera si Ninja dhe shroud, të cilët tashmë bëjnë stream në Mixer.
Raporti thotë se ata kanë një net worth prej $10 milionë dhe $4 milionë respektivisht, prandaj ata do të ishin duke konkurruar kokë më kokë me Nick nëse do të mbeteshin në Twitch.
Padyshim nuk mund ta verifikojmë nëse këto shifra janë të sakta dhe nëse janë, fakti që donacionet nuk janë të përfshira nuk e bënë këtë një matje shumë të mirë të fitimeve nga Twitch.