Nadeshot nuk i lejohet të bëjë stream Valorant në ditën e parë të closed beta

Duket se të gjithë në botën e esports do të kenë akses në closed beta të Valorant, por një personazh i njohur nuk do të jetë duke i bërë stream nesër. Matthew ‘Nadeshot’ Haag, CEO i 100 Thieves, si duket nuk i është lejuar të bëjë stream lojës në ditën e saj të parë, pasi skuadrat në botën e League of Legends nuk janë të lumtura me këtë.

Nadeshot i është kërkuar që të mos luajë në stream ditën e parë, pasi një numër i madh skuadrash që po konkurojnë në turnamentet e shumta të League of Legends rreth e qark botës, u ankuan për nivelin e aksesit që kishin.

“Është shumë e gjatë si histori-Do luaj, por nuk do të mund të bëj stream. Nuk më lejohet të bëj stream,” thotë Nadeshot në një klip që mund ta shikoni më poshtë. “Pronarët e skuadrave si LCS dhe LEC dhe LCK janë ankuar që unë kisha akses dhe ata nuk kishin. Ndaj Riot më kërkoi të mos bëjë stream deri në ditën pasardhëse.”

“E dua Riot, ata janë të pabesueshëm. Ky nuk është faji i tyre. Riot nuk ka bërë asgjë gabim, janë thjesht pronarët e tjerë.”

Nadeshot vazhdon të thotë se ndjehet sikur është penalizuar sepse është shumë i mirë në punën e tij, por se nuk ka asgjë që ai mund të bëjë.

Sado që ai do të jetë duke e luajtur lojën nesër, nuk do të kemi mundësi ta shohim gameplay-in e tij deri të mërkurën. Nëse doni të dini se si mund të merrni akses në closed beta, ndiqni hapat këtu.