YouTuber-i Mrfreshasian tashmë është pjesë e Luminosity Gaming

Luminosity Gaming ka firmosur një marrëveshje me Harley ‘Mrfreshasian’ Campbel për ta shtuar në skuadrën e tyre të Fortnite. 18-vjeçari nga Australia ka bërë tashmë një emër të mirë për veten e tij në skenën e Fortnite.

Mrfreshasian ka afërsisht dy milionë ndjekës në Twith, rreth 1.4 milionë në instagram dhe 2.9 milionë në kanalin e tij të YouTube. Sado që momentalisht ai është në një vend të mirë, gjërat nuk ishin gjithmonë kështu për të. Mrfreshasian foli për rrugën inspiruese që ju desh të merrte përpara se të bëhej pjesë e LG.

Ai u hap për vështirësitë ekonomike që ka hasur dhe se si i jeta e tij tani i duket e pabesueshme, në krahasim me atë që po jetonte përpara dy vitesh.

Mrfreshasian  ka një reputacion shumë të mirë si YouTuber dhe si streamer. Në një moshë kaq të re ai që tashmë ka një galeri të gjerë highlight-esh.

Ai ka qenë në rritje edhe nga ana kompetitive, duke fituar nëpër kompeticione të ndryshme. Sado që është shumë lajm i mirë tani që ai është pjesë e Luminosity Gaming, kjo nuk është hera e parë që Mrfreshasian është futur në një skuadër profesioniste.

Ai më parë ka prezantuar Rengades gjatë kohës që ka kaluar në Fortnite World Cup 2019 Oceanic Qualifiers.

Tashmë që është përkrah LG, nuk ka më limite për potencialin e Mrfreshasian, teksa ai lë gjithmonë e më shumë impakt në skenën e Fortnite.