MrBeast kalon 2 ditë i groposur nën tokë

YouTuber-i i njohur MrBeast ka kaluar limitet duke qëndruar në një kuti nëntokësore për 50 orë rresht.

Jimmy ‘MrBeast’ Donaldson bën disa nga videot më të çmendura në YouTube, sidomos harxhimi i lekëve. Ai ka bërë video në platformë që nga viti 2012 dhe ka arritur të mbledhë mbi 56 milion subscribers në kanalin e tij kryesor.

Një pjesë e madhe e përmbajtjes së tij përqendrohet në dhënien e parave miqve, fansave dhe njerëzve rastësor, duke i bërë ata të marrin pjesë në sfida të çuditshme. Ai madje bindi një punëtore restoranti të linte punën në këmbim të $100,000. 

Por Jimmy gjithashtu nuk ka frikë të vendosë sfida në shkallë të lartë për veten e tij në mënyrë që të argëtojë shikuesit – dhe e fundit e tij ishte sigurisht një arritje e madhe. Ai vendosi të qëndronte në një arkivol qelqi të groposur nën tokë për 50 orë rresht.   

Në arkivol me të ishin vetëm disa batanije dhe një jastëk, pajisje dhe sigurisht kamera. Pasi ulën kapakun, ekipi e groposi atë derisa ai u varros i gjallë. Ata sigurisht krijuan një sistem të ventilimit të ajrit në mënyrë që Jimmy të ishte i sigurt brenda arkivolit. Ishin 50 orë të gjata për YouTuber-in, i cili ishte i lidhur me botën e jashtme vetëm nga një walkie-talkie. 

Kur Jimmy doli përfundimisht nga arkivoli, ai dukej aq i lehtësuar sa që ai në të vërtetë filloi të qante. Sfida dy ditore ishte sigurisht një arritje mbresëlënëse dhe shikuesit nuk mund të besonin se ai në të vërtetë e kishte mbajtur premtimin.