MrBeast do të investojë $2 milion për YouTubers-at më të vegjël

Ylli i YouTube-it Jimmy ‘MrBeast’ Donaldson ka bashkë-themeluar një kompani të re që synon të financojë krijuesit e ardhshëm me paratë e nevojshme për të arritur ëndrrat e tyre.

MrBeast është një nga krijuesit më të njohur në YouTube. I njohur për sfidat e tij ekstreme dhe giveaways të mëdha të parave, ai ka grumbulluar mbi 55 milion subscribers besnikë – dhe ai tashmë ka vendosur të ndajë suksesin e tij me të tjerët.

Ndërsa Donaldson u ka dhënë fame shumë YouTuber-ve të tjerë në të kaluarën – madje duke ndihmuar në rritjen e krijuesit të Minecraft, Karl Jacobs (për të mos përmendur fushatën e tij prej 100 milionësh subscribers për PewDiePie) – ai tani po zgjat një dorë ndihme në një mënyrë tjetër po aq të madhe.

Në mars 24, MrBeast zbuloi se ai ka bashkë-investuar në Juice Funds, një projekt i kompanisë së tij të re Creative Juice, i cili ekziston për të ndihmuar content creators të marrin burimet monetare që u duhen për të bërë videot e tyre.

Deri më tani, MrBeast ka investuar 2 milion dollarë në projekt, i cili do të përfshijë pagesa nga 25,000 deri në 250,000 dollarë deri te “krijuesit e kualifikuar dhe frymëzues të YouTube”. Creative Juice synon të vlerësojë dhe blejë aksionet e pakicave në kanalet e YouTube, ndërsa gjithashtu këshillon krijuesit e ardhshëm.

Vetë Donaldson pohoi se ideja e tij për fillimin e Creative Juice ishte për shkak të marrjes së pagesave të vonuara nga markat në të kaluarën, gjë që ndonjëherë do ta shtynte atë të merrte hua për të filluar projektin e tij të ardhshëm.

“Unë gjithmonë kam riinvestuar 100% të asaj që kam marrë nga kanali tim,” deklaroi ai në një intervistë me Sam Lessin të The Information. “Një gjë me të cilën unë u përballa shumë, është se ka shumë vonesa . Ndonjëherë markave ju duhen pesë muaj për t’ju paguar “.

Sa i përket sipërmarrjes së tij aktuale, MrBeast nuk është 100% i sigurt se si “vlerësimi” i kanaleve YouTube do të përfundoi – por ai me siguri dëshiron të ndihmojë krijuesit e rinj dhe ai po heq nga paratë e tij për ta arritur këtë gjë.

“Kjo sinqerisht do të jetë vetëm një provë e cila edhe mund të dështojë.” deklaroi ai. “Unë nuk jam duke u përpjekur të mashtroj askënd. Unë dua të bëj marrëveshje që janë të drejta për të dy palët. Në të vërtetë, unë thjesht dua t’i ndihmoj njerëzit që të duken. “