Mr Beast zbulon se si anullimi i një videoje i kushtoi $800,000

Kur Mr Beast zakonisht humbet para nëpër videot e tij në YouTube, është në rastet kur është duke falur çmime të mëdha për pjesëmarrësit e garave, ose kompeticionve që planifikon ai.

Tani, ai ka kërkuar ndjesë përmes adresës së tij dytësore në Twitter, për mungesën e content-it në kanalin e tij të YouTube. Ai nuk ka postuar një video që nga data 28 nëntor.

Ai gjithashtu zbuloi arsyen pas kësaj. Si duket një video YouTube-i me tre pjesë që po punonte, i dështoi rrugës. Kjo pasi ai dhe ekipi i tij kishin kaluar javë të tëra duke u marrë me të.

Qartazi kjo është diçka shumë zhgënjyese për të gjithë fansat, por edhe për vetë Mr Beast. Një prej tyre e pyeti atë se sa i kishte kushtuar anullimi i këtij projekti. Mr Beast tha se kishte humbur $800,000 për shkak të videos që nuk funksionoi.

Kjo tregon se jo çdo gjë është ‘tra la la’ kur je një youtuber i madh. Kjo sasi defiçiti është realisht dërrmuese për këdo. Na ngre pak kureshtjen gjithsesi se për çfarë paska qenë kjo videoja, që ka kushtuar kaq shumë. Ndoshta Mr Beast do të mund të japë më shumë informacion për të në të ardhmen.