Mr Beast bëhet shofer i Uber dhe i jep çdo pasagjeri një makinë falas

Filantropisti i preferuar i YouTube, ka bërë përsëri ëndrrat e njerëzve realitet në ditën e tij të parë si shofer Uber, duke shpërndarë makina falas për pasgjerët që ai shoqëroi, përfshirë një Lamborghini

Pasi jemi mësuar me Mr Beast që bën donacione të çmendura, kjo e fundit mund të jetë ndër më të mëdhatë e tij. Content creator-i dëshironte të ndante pasurinë e tij me njerëz të panjohur, duke i bërë atyre një xhiro si një shofer i Uber; e gjitha kjo për t’u takuar me njerëzit që kishin nevojë për një udhëtim. Por çfarë ai bënte ishte se në fund të çdo udhëtimi, Mr Beast do t’i jepte pasagjerit makinën me të cilën ata u transportuan.

Ndërsa ai udhëtonte me klientët e tij të rinj, miqtë e tij hipën pas tyre në një furgon duke i transmetuar atij frazat dhe duke planifikuar zbulimin e tyre të madh. Secili prej tyre morën rradhën duke shpërndarë një makinë, dhe duke sfiduar njëri-tjetrin për t’u sjellë çuditshëm si shofer për t’i bërë gjërat pak më të tensionuara.

Një pasagjer arriti të kuptojë se shoferi ishte Mr Beast, por të tjerët ishin në shok total  kur zbuluan se do të ishin në gjendje të mbanin makinën. Një person tha që do t’ia jepnin makinën mamasë së tij që kishte nevojë për një, dhe një tjetër u lehtësua kur mori makinën pasi i ishte prishur.

Pasagjeri i fundit dhe, pa dyshim, më me fat, ishte mirënjohës vetëm që u transportua në një Lamborghini, duke e quajtur atë “surreale”. Duhet ta themi që tronditja që ai pësoi ishte e madhe kur zbuloi se do të ishte në gjendje të mbante makinën mahnitëse.

Me Mr Beast që u argëtua teksa ishte një shofer i Uber për një ditë, kjo i ka bërë fansat të pyesin se ku tjetër mund të shfaqet YouTuber-i i madh dhe nëse do të kenë një shans për të fituar një çmim që do i ndryshonte jetën.