Është periudhë zgjedhjesh në SHBA dhe me gjithë debatet politike, nëse mund t’i quajmë kështu, qytetarët janë duke konsideruar opsione të ndryshme për liderat e tyre të ardhshëm, përfshirë këtu edhe disa yje të internetit.
Mr Beast njihet për bujarinë e tij, duke ndihmuar shpesh njerëzit në nevojë. Ai është vazhdimisht duke u përpjekur të bëjë botën një vend më të mirë dhe këtë gjë e ka bërë të qartë edhe në bion e tij në Twitter.
Në një postim të habitshëm të datës 29 shtator, YouTuber-i shprehu interesin e tij për të kandiduar si president i SHBA, por e sqaroi që kjo do të ishte për një periudhë më të vonshme në jetën e tij, pasi momentalisht është “22 vjeç dhe budalla.”
“Kur shoh sa e përçarë është Amerika, mendoj të kandidoj për president ndonjë ditë (shumë larg në të ardhmen, momentalisht jam budalla)” shkruajti ai. “Por gjithashtu kam 6969420 në emrin tim për momentin nga një Minecraft scavenger hunt, ndaj dyshoj se do më merrte njeri seriozisht.”