Mr Beast do të dërgojë foton ose videon tuaj në hënë

Fenomeni i YouTube Jimmy ‘MrBeast’ Donaldson sërish është duke mahnitur fansat me gjërat që bën me paratë e tij. Këtë rradhë ai do i lejojë fansat e tij të dërgojnë foto dhe video në hënë, pasi të blejë një NASA rover.

“Më vonë gjatë këtij viti NASA do të vendosë një rover në hënë dhe ja kam dalë të blejë pak storage aty. Mendova se do ishte gallatë t’u lija ju djemave të vendosni çfarë të doni në hënë,” tha Mr Beast në një tweet.

Në një video që detajon projektin e ri në website-in e tij, Donaldson shpjegon se si mendon se do të ishte ide e mirë të krijonte kapsulën e parë dixhitale të botës.

Sipas Mr Beast mundësitë janë të pafundme, për aq kohë sa është e ligjshme. Fansat do të mund të vendosin një foto të mamasë, qenit ose gjërave që kanë rëndësi për ta.

SI TË MERRNI PJESË

Është mjaft e thjeshtë. Gjithçka që duhet të bëni është të ndiqni udhëzimet më poshtë.

Fillimisht drejtohuni në faqen e MrBeast dhe zgjidhni një nga paketat që doni, pasi disa opsione më të shtrenjta përfshijnë në T-shirt ose hoodie. Më pas paguani për njërin prej opsioneve dhe Mr Beast do dërgojë foton ose videon tuaj në hënë.