Mizkif pretendoi se është “shumë më e lehtë” për femrat që të hyjnë në skenën e streaming në Twitch në krahasim me burrat, por beson se një “kufi” e bën më të vështirë për to të ngjiten në majë.
Twitch ka një pabarazi mjaft të madhe midis meshkujve dhe femrave në platformë. Një raport në vitin 2020 zbuloi se 65% e përdoruesve ishin meshkuj, gjë që ndikon gjithashtu në shikueshmërinë. Kështu ishte pak a shumë edhe në 2021.
Mizkif beson se pabarazia e bën “më të lehtë” për femrat që të hyjnë në skenë – të paktën fillimisht. Megjithatë, ai pranoi se ata janë të frenuar nga një “kufizim” dhe duhet të përballen me më shumë vështirësi gjatë rrugës.
“Unë do të them diçka që është sinqerisht e vërtetë: femrat e kanë shumë më të lehtë të marrin 100 deri në 200 shikuesit fillestarë,” pohoi ai në transmetim. “Më vjen keq, është thjesht e vërteta, dhe nëse nuk mendoni se është e vërteta, atëherë e keni gabim.
“Është shumë më e lehtë për femrat që të arrijnë në atë pikë numërimi 100, 200 apo edhe 300 shikuesish. Femrat e kanë shumë më të lehtë se meshkujt, dhe kjo është e vërteta.” Megjithatë, Miz nuk mendon se gjithçka është fushë me lule. “Femrat kanë një kufizim, dhe kjo është e vërteta. Ato kanë një tavan xhami dhe është pothuajse e pamundur të kalosh”.
Ai këmbënguli se është ndryshe për meshkujt, të cilët kanë një “tavan të pafund” për shkak të demografisë së njëanshme. “Burrat kanë një tavan të pafund. Ata nuk janë me kapak të fortë. Gratë janë të kufizuara në një tavan prej rreth 600 deri në 1000 shikues.”