Mixer reagon pasi tallet nga Dr Disrespect

Streamer-i i famshëm i Twitch, Guy ‘Dr Disrespect’ Beahm, tentoi të tallej me Mixer, platformën streaming të Ninja dhe shroud, por rrjetet sociale të platformës nuk e pranuan këtë gjë.

I vetëshpallur si “fytyra e Twitch”, Doc ka qenë prej kohësh besnik i platformës së Amazon. Ai ka deklaruar më parë se Mixer i është afruar për bisedime përpara Ninja dhe shroud, por e ka bërë të qartë se nuk do të ketë të bëjë me Mixer, për shkak të shifrave shumë të mira që ka në Twitch.

Duke marrë parasysh pozicionin momental të Twitch si platforma me streamer-at më të famshëm dhe deri më parë një tip monopoli, nuk është çudi që Dr Disrespect i qëndron besnik.

Në tentativën e tij të fundit për tu tallur me Mixer, ai postoi një tweet që thoshtë: “A është akoma gjallë Mixer?”. Tre minuta më vonë, adresa në Twitter e platformës i ktheu përgjigje me një gif të Walter White nga Braking Bad.

Gifi thoshte: “You’re god damn right,” një nga citimet e famshme të serialit. Teksa Guy Beahm i futet dekadës së re, ndjenjat e tij për Mixer vazhdojnë të qëndrojnë të njejta. Dr Disrespect ka thënë më parë se Twitch është investuar më shumë për ta mbajtur atë në platformë dhe kjo ka ndikuar edhe në vendimin e tij.

Se si do të shkojë lufta mes platformave të streaming nuk e dimë, por gjërat padyshim që janë bërë më interesante së fundmi. Një gjë është e sigurtë të paktën, Dr Disrespect nuk do të lëkundet ndonjëherë nga Twitch.