Formula 1 po futet në botën e streaming
Formula 1 po futet në botën e streaming
Formula 1 ka lajmëruar se do të fillojë eksperimentimin me mbulimin në Twitch të garave, duke nisur nga Mexican Grand Prix i kësaj fundjave.
E gjithë fundjava e garave do të bëhet stream live në gjashtë shtete europiane: Gjermani, Luksemburg, Zvicër, Suedi, Norvegji dhe Danimarkë. Edhe pse është një marrëveshje vetëm për një garë midis F1 dhe Twitch, duket se ata do të ofrojnë gjithçka në këtë livestream. Sipas deklaratës për shtyp, “interaktiviteti dhe elemente gaming do të shtohen në transmetim për të rritur angazhimin e komunitetit” dhe çdo sesion këtë fundjavë do të ketë në stream dhe një personalitet nga Twitch.
Një prej elementëve të gmaing është një minigame që i lejon shikuesit të parashikojnë performancën e garuesëve. Parashikimet e audiencës do të renditen në rradhë për të parë se sa të saktë ishin ata në krahasim me rezultatet e garuesëve në Grand Prix.
Frank Arthofer, Drejtor Dixhital dhe i Licensimit në Formula 1 tha: “Twitch ka një audiencë shumë të madhe, kreativitet dhe veçanti në mbulimin e sporteve si dhe një audiencë të angazhuar; ata janë partneri perfekt për të punuar në këtë projekt”.
Formula 1 është emri i fundit në botën e sporteve që ka shpërndarë eventet e tyre në Twitch, me NFL dhe NBA që e kanë përdorur të dyja Twitch për të transmetuar ndeshjet dhe highlights.