Me mbi 100 miliardë shikime në 2019, Minecraft është loja më e madhe në YouTube

YouTube Rewind 2019 është këtu dhe kjo nënkupton dy gjëra: komuniteti i YouTube ka gjetur diçka të re për tu ankuar dhe gjithashtu kemi statistikat për videolojërat më të mëdha në platformë. Mbreti këtë vit është Minecraft, që ka marrë mbi 100 miliardë shikime këtë vit, duke e konsoliduar suksesin në luftën e shikimeve me Fortnite.

Prapa 100.2 miliardë shikimeve të Minecraft, Fortnite vjen në vend të dytë me 60.9 miliardë orë. Lojërat që vazhdojnë Top 5-çen më tej bien goxha më poshtë në shikime. Kemi Grand Theft Auto V me 36.9 miliardë, Garena Free Fire me 29.9 miliardë dhe Roblox me 29.6 miliardë.

Në faqen e web-it të YouTube Rewind mund të gjeni listën për 10 më të parat, por nuk kemi ende shifra te këto të tjerat. Pesë lojërat e tjera janë PUBG Mobile, League of Legends, PlayerUnknown’s Battlegrounds, Brawl Stars dhe Mobile Legends: Bang Bang.

Të gjitha të dhënat janë përllogaritur deri në datë 31 tetor. Ja vlen të përmendim që një pjesë e madhe e këtyre shikimeve është ndikuar nga ads, si përshembull ato reklamat që shikon pak sekonda përpara se të fillojë videoja llogariten si shikime.

Microsoft pati një arritje të madhe këtë vit dhe nuk mund të mohojmë që PewDiePie dha një kontribut të madh në të. Muajin pasi PewDiePie postoi ‘Minecraft Part 1,’ videoja e tij e parë e Minecraft prej vitesh, shumë video të tjera të Minecraft filluan të rriteshin. Kështu Minecraft u kthye sërish në top lojërat më të para të vitit.

Numri total i lojtarëve të Minecraft gjithashtu ka arritur shifra mbreslënëse, tani mbi 480 milionë. Sigurisht që kjo vjen nga një version falas i lojës në Kinë që ka kontribuar në shumicën e këtyre shkarkimeve. Nëse të gjitha këto ju kanë sjellë dëshirën që ti riktheheni sërish lojës, ju mirëkuptojmë.