Loserfruit konfirmon se skini i saj në Fortnite Icon Series do të vonohet

Vetëm pak ditë pasi skini i saj në Fortnite Icon Series u bë leak, Kathleen ‘Loserfruit’ Belsten ka konfirmuar se skini është ende duke ardhur, por do të vonohet për shkak të eventeve të tanishme globale.

Loserfruit është një contet creator australiane që pa një rritje pasive falë transmetimeve të saj në Fortnite. Në datë 30 maj, skini i saj i Icon Series u bë leak, duke zbuluar se çfarë do të merrnin fansat në të ardhmen e afërt.

Gjithsesi Loserfruit njoftoi në transmetimin e saj më të fundit, se fatkeqësisht skini do të vonohej.

“Mbrëmë nga ora 1am mendoj, unë dhe Epic vendosëm se nuk ishte momenti i duhur për ta publikuar skinin këtë javë. Ndaj vendosëm që të presim. Nuk na u duk si momenti i duhur… kjo nuk është koha për të festuar.”

Loserfruit qartazi duket pak e mërzitur me këtë ndryshim, duke thënë se skini ishte një nga gjërat më fantastike që do i ndodhte, por në të njejtën kohë është plotësisht mirëkuptuese me situatën që ka zaptuar SHBA për momentin.

Ajo gjithashtu sqaron se skini nuk ka për të dalë këtë javë dhe duke marrë parasysh se java e ardhshme është sezoni i ri, atëherë as atëherë nuk ka për të ndodhur. Fansat mund të duhet të presin deri nga fundi i qershorit për të gjetur skinin e Loserfruit në Item Shop.