Lista “30 Under 30 Gaming” e Forbes përfshin Bugha dhe EwOk

Forbes ka publikuar listën e personaliteteve të reja me më shumë influencë në gaming

Disa personalitete nga bota e streaming dhe esports e kanë gjetur veten në listën e Forbes “30 Under 30“ për industrinë e videolojërave. Kjo listë përmban disa prej emrave të rinj me më shumë influencë në gaming, të cilët pritet të kenë një impakt të madh në 2020.

Një prej emrave më të njohur të esports në këtë listë është kampioni 16 vjeçar i Fortnite World Cup Solos Kyle ‘Bugha’ Giersdorf. Djaloshi u bë një prej emrave më të njohur në Fortnite kompetitiv dhe firotja e tij në World Cup i dha një karrierë të suksesshme në streaming. Bugha ka tani mbi 1.2 milionë ndjekës në Twitch dhe ka fituar $3 milionë pas fitores në World Cup, që është gjithashtu dhe çmimi më i madh për një lojtar të vetëm në esports.

Fortnite vazhdon të jetë pjesë e listës 30 Under 30 pasi dy streamer-a të tjerë janë pjesë e listës. Soleil ‘EwOk’ Wheeler, streamer-ja e shurdhër e Fortnite, e cila inspiroi shumë njerëz të kësaj industrie në 2019, është gjithashtu personi më i ri në këtë listë, pasi është vetëm 14 vjeç. Pasi u bë e famshme në Twitch dhe u bë pjesë e FaZe Clan, EwOk tani bën stream në Mixer dhe vazhdon të tregojë se problemet e lindura nuk duhet të të ndalojnë të arrish majat.

Streamer-i tjetër i Fortnite Nick ‘Nick Eh 30’ Amyoomy është gjithashtu pjesë e listës. Ndërkohë që Twitch ka humbur disa streamers gjatë 2019, ata gjithashtu arritën të merrnin Nick Eh 30 nga YouTube Gaming. 24 vjeçari është një prej streamer-ave më popullorë në Twitch dhe ka mesatarisht mbi 10,000 shikues sa herë që është live.

Një tjetër streamer-e në listë ishte edhe Rumay ‘Hafu’ Wang e G2 Esports, një emër shumë i njohur në Hearthstone, Teamfight Tactics dhe League of Legends. 28 vjeçarja ka disa vite që bën stream për audienca të mëdha dhe është një prej streamer-eve më të ndjekura në Twitch me mbi 780,000 followers.

Dominique ‘SonicFox’ McLean, një prej figurave më të mëdha dhe më të suksesshme në komunitetin e lojërave fighting, ishte gjithashtu pjesë e listës

Pati gjithashtu mirënjohje dhe për disa emra të tjerë të esports, të cilët janë shpesh prapa kuintave. Këtu shohim CEO e Evil Geniuses Nicole LaPointe Jameson dhe menaxherin e produktit të Twitch James Sun.

Listën e plotë të Forbes për të rinjtë me më shumë influencë në gaming mund ta lexoni këtu.