Futja e Fortnite në Chapter 2 ka qenë pak kontradiktore deri më tani. Në fillim të gjithë e pëlqyen, pastaj kishte ankesa, e pëlqyen prapë dhe tani kanë filluar të dalin prapë në pah ankesa.
LazarBeam, i cili ka paralajmëruar edhe më parë se battle royale i Epic është drejt ditëve të saj të fundit, ka pranuar se është “realisht i shqetësuar” për të ardhmen e lojës. Sidoqoftë problemi i tij nuk janë të lidhura me gameplay-in.
Sipas tij Epic duhet të konsiderojë kthimin e Fortnite UI (user interface) gjatë ndeshjeve. Sipas tij diçka duhet të ndryshojë shpejt. Ai i shprehi mendimet e tij në një postim në Twitter.
Kjo nuk është hera e parë që LazarBeam ka përmendur se gjendja e dikurshme e Fortnite ishte më mirë. Ai kujton sezonet 1-10 dhe thotë se loja ishte e qartë, e pastër dhe argëtuese atëherë, duke thënë se herë pas here shikon video të vjetra me nostalgji.
Ai pranoi edhe faktin se Epic Games ka bërë një punë të mirë për t’i mbajtur gjërat intriguese në lojë me patchet e fundit, por thotë se Chapter 2 nuk ka më shkëndijë.
Sipas zhvilluesve të Fortnite, ka ende “gjëra të pabesueshme” që do të vijnë në lojë. Se çfarë janë këto ekzaktësisht nuk mund ta dimë ende, por le të shpresojmë që të paktën për hir të Lazarbeam, këto ndryshime të përfshijnë një ndryshim në UI.