Pasojat për Twitch mund të jenë kolosale, nëse edhe Tfue vendos të largohet.
Pasojat për Twitch mund të jenë kolosale, nëse edhe Tfue vendos të largohet.
Me gjigandin e rradhës të streaming, Shroud, që bëri lëvizjen e tij në Mixer pas Ninja dhe me King Gothalion që e ndoqi pak më vonë, të gjithë janë duke pyetur veten se kush do të jetë personaliteti i rradhës që do të largohet nga Twitch. Një tweet misterioz sugjeron se mund të jetë Turner ‘Tfue‘ Tenney.
Shroud e shokoi të gjithë komunitetin e streaming kur njoftoi se do të largohej nga Twitch për të bërë stream eksluzivisht në Mixer. Pak ditë pas njoftimit të tij Tfue postoi një tweet rreth situatës ku shprehej: “Ninja Shroud dhe tani Goth! Kush e ka rradhën?”
Menjëherë nisën spekulimet mes fansave se kjo mund të ishte një shenjë për largimin e tij nga platforma streaming e Amazon. Edhe lojtari pro i Fortnite Jack ‘CouRage’ Dunlop ju bashkua spekulimeve dhe bëri reply “Tfue!”.
Për ta ndezur edhe më shumë zjarrin, vetë adresa e Mixer në twitter i bëri reply me një emoji që mendohet. Kjo e thelloi edhe më shumë teorinë se Tfue mund të jetë në bisedime me Mixer për tu larguar nga Twitch.
Sado që nuk ka patur shenja zyrtare bisedimesh të Tfue me Microsoft, ky tweet lë shumë gjëra për tu nënkupuar. Sigurisht që vetëm koha do e tregojë nëse realisht ai do e bëjë një lëvizje të tillë.
Tfue për momentin është streamer-i më i ndjekur në Twitch me 7 milion followers. Nëse edhe ai do largohet, pasojat për Twitch mund të mos jenë shumë të këndshme. Microsoft ngadalë është duke marrë të gjithë streamer-at më të ndjekur dhe bashkë me ta është normale që edhe baza e tyre e fansave do i ndjekë kudo që ata të shkojnë.